من يوم خمسة و عشرين يناير
بيتملى ميدان التحرير
والحكومة فضلت تكابر
و فضلت كلمة الشباب هي التغيير
رجالة و ستات و فقرا و اولاد اكابر
كلهم عايزين يعرفه ح يبقى ايه المصير
18 يوم من الصبر و الارادة
و جازاهم في الاخر ربنا بالخير
شلة المنافقين بين ساعة و ساعة
اتغيرو و اتغير كلامهم كتير
في الاول قالودي مجموعة من الخارجين عن القانون
و بعدما عرفوا انهم على الحصان الخاسر مراهنين
غيرو رأيهم و قالو اصل يا جماعة كنا غلطانين
و النظام كان مشترينا و عملنا كل حاجة و احنا مغصوبين
دلوقت بيقولو الابطال و زمان قالوا الهمجيين
كل اللي فات كان تحضير
للمستقبل و للتغيير
دلوقت بس نقدر نقول ع البركة ابتدينا
نبني البلد من جديد نتعاون مع بعضينا
بوجه رسالة شكر لقناة الجزيرة
و بقولها: فعلا كنت كبيرة
كنت مرايتنا للدنيا بحالها
احسن من ناس كتير
لو كان بجد فيه ديموقراطية
ليه اتضربنا من البلطجية
ولى الديموقراطية مش مكتوبة لينا
فين الاخوة و فين الشفافية
ثورتنا كانت ثورة كرامة....ثورة حرية
حرية في التعبير
دورنا فيها ع المصداقية
اللي جاي ح يبقى اصعب
حطوا يديكم ف ايدين بعض
و غيروا اللي بيوعد و يكدب
ابنو البلد بس على اساس صحيح
احنا بينا خونة بقولها و بالصريح
لازم الفترة اللي جاية نحسن الاختيار
الفرصة جت لعندنا وبايدينا بقى القرار
لازم نختار صح و ما نعملش زي كل مرة
و بلاش نختار الناس اللي بتصطاد ف المية العكرة
علشان ما يروحش كل اللي عملناه هدر
لازم نغير و نتغير للاحسن يا بشر
كنا زمان قبل تلاتين سنة
عاصمة السياسة العربية
دلوقت مين احنا؟؟؟
و فين بجد الامة العربية؟؟
انا مش شايف قدامي غير سراب
لو قلتلكم بجد مش شايف ح تقولو عليا كداب
الثورة ثورة رجالة .....و من عندي بوجهلهم رسالة
الف شكر ليكم.... و ربنا يرحم كل الشهداء
المظلومين... و المقهورين.... و الابرياء
و بقولهم ربنا خلاص خد بايدنا
و قريب ح نوصل بر الامان
و يا رب يجازي اللي ظلمنا
و خلانا نعيش سنين في الحرمان
بوجه عزائي لعيلة سالي زهران
و بقولهم الشهيدة ان شاءالله في الجنة
و يا رب يرحمها و يرحمنا
بكل بساطة نجاوب ناس كتير الثورة قامت ليه؟
علشان الحرية نقدر نقول اه
عشان الديموقراطية برده ممكن نقول اه
بس المهم و الاهم ....بلدنا بلد رجالة
و ح تفضل طول عمرها هي الشيالة
و لازم تفضل قيمتها بين كل الدول
و تسترجع هيبتها ... بكره ح يبقى افضل
خلاص ودعنا ايام الذل و من النهارده
ح نعيش و كلنا امل
ح نتغير و نبني المستقبل
المشوار لسه طويل
ما انتهاش بعد الرحيل
بالعكس دي هي دي البداية
اظن لحد كده و كفاية
و ابقو افتكروني لما تنزل كلمة النهاية
فتاة عربية