أتمنى أن يكونى موضوعى غير مخالف و لو هناك بعض المخالفات البسيطة سامحونى و لا تغلقوا الموضوع فالآمر هام جداً
اتمنى من كل اللى موجود يقرأ الموضوع جيداً و يفكر فيه
ازيكم يا جماعه عملين إيه
إحنا جابين النهارده نتكلم معاكم فى حمله دعوه للادمان بدل حمله الحمايه من الادمان
او ممكن نسميها حملة جدعنة
وهنتكلم معاكم بالعاميه
ماخلاص مباقش فيه لزوم للرسميات وخاصة اننا بنكلم كل الطبقات ومصر بالاخص
ياريت تسمعونا وتفهمونا وتنضموا لينا .
لاننا ممكن نتضر لو محدش دعمنا
لان الموضوع زاد عن حده اوى
واحنا كشباب ممكن فى اى لحظه يلفقولنا تهمه عشان اتكلمنا
ونترمى
فبالله عليكم ساندونا
بسم اللهكلنا عارفين حكايه الدعمانهم بدأوا يشيلوا الدعم من على السلع الغذائيه
شوفوا كده الكلام ده :-
علبة السجائر الروزمان كانت ب 5.50 جنيه دلوقتى بقت ب 5.00 جنيه
علبة السجائر الكليواباترا كانت ب 2.75 جنيه بقت ب 2.50 جنيه
علبة السجائر البوكس كانت ب 3.00 جنيه دلوقتى بقت ب 2.50 جنيه
علبة السجائر السوبر كانت ب 3.00 جنيه دلوقتى بقت ب 2.75 جنيهاحنا مش عايزين الدعمبس عايزين الادماناهوه حاجه نضيع معاهاعلى الاقل احناعارفين احنا ضايعين من ايه وعشان ايه؟انما لو شالوا الدعم يا ترى فى المستقبل هنضيعازاى ومن ايه ؟لازم نكون صوت واحدلازم نكون ايد واحدهلازمنتحد فى راى واحد ونكون حد لاى حاجه تعوق مستقبلنا لازم نتكلم ونصرخ بدل ما نموتواحنا ساكتين عن حقناوانتوا عارفين طبعا ان الساكت عن الحق شيطاناخرسترضى انك تموت وانت شيطان اخرس ؟
شوفوا بقى انحنا هانفهمكم الحكايه
وايه اللى بيحصل بالظبط
دى قايمة اسعار لسه جايبينها النهارده
وشوفوا الفرق واحكموا
كيلوا الدقيق كان ب 3.00 جنيه دلوقتى بقى ب 4.25 جنيه
علبة 2كيلو سمنه كانت ب 10.00 جنيه دلوقتى بقت ب 19.50 جنيه
كيلوا زيت القلى كان ب 4.50 جنيه دلوقتى بقى ب 10.00 جنيه
كيلوا زيت الذره كان ب 7.50 جنيه دلوقتى بقى ب 13.00 جنيه
كيس مكرونه نصف كيلوا كان ب 1.25 جنيه دلوقتى ب 2.25 جنيه
كيلوا الارز كان ب 1.25 جنيه دلوقتى بقى ب 4.00 جنيه
كيلوا العدس الاصفر كان ب 4.00 جنيه دلوقتى بقى ب 11.00 جنيه
كيلوا المكرونه السايب كان ب 1.50 جنيه دلوقتى بقى ب 4.50 جنيه
ربع كيلوا شاى الجوهره كان ب 5.00 جنيه دلوقتى بقى ب 6.00 جنيه
ربع كيلوا شاى ليبتون كان ب 6.00 جنيه دلوقتى بقى ب 7.00 جنيه
كيلوا السكر كان ب 2.75 جنيه دلوقتى بقى ب 3.00 جنيه
كيلوا اللحمه كان ب 30.00 جنيه دلوقتى بقى ب 42.00 جنيه
تخيلوا بقى الاسعار قبل الزياده وبعدها
فاضل ايه تانى
دلوقتى المواطن المصرى بقى بيبيع اى حاجه عشان اكل العيش
ممكن يبيع اعضاءه وملابسه عشان يأكل اولاده عيش
ممكن يقبل بتخفيض مرتبه والمعاش المبكر طالما هايأكل ولاد عيش
اكل العيش بقى فلسفه مبنى عليها كل حاجه فى حياتنا
الاحزاب والجماعات بقت اكل عيش
السياسه والصحافه بقت اكل عيش
حتى الفن بقى اكل عيش ومبقاش اسمه فن
دلوقتى موظف الحكومه بيقبض فى الشهر من 300 ل 350 جنيه فى الشهر
على اعتبار انه عنده طفلين وزوجته
سواء كانت شغاله او ست بيت
هايعيش ازاى ؟؟؟ هايدفع فلوس دروس اولاده ازاى ؟؟؟؟
على فرض ان ولاده مش بيتعلموا
هايلبسهم ازاى
نفرض انه مبيجبش هدوم لولاده غير كل سنه مره .
هايأكلهم ازاى بالاسعار دى واحنا مجبناش سيرة السلع الترفيهيه اللى اسعرها ارتفعت هيا كمان زى البسكويت
والجيرسى وغيرها من المنتجات دى
طب لو عنده بنت هايجوزها ازاى ؟؟؟ هايجهزها منين ؟؟؟
بال 300 جنيه فى الشهر
هايدفع فلوس دروس عياله بال 300 جنيه
هايجيبلهم لبس بال 300 جنيه
هايدفع الضرايب وفواتير الكهربا والتليفون والميه من ال300 جنيه
ليه هما 300 دولار !!!!!
وبعد ده كله هايشيلوا الدعم عن السلع الغذائيه
يا الله !!! احنا كده بنموت بالبطىء ومبنتكلمش
هانتكلم امتا
اما نبص للاولادنا وهما بيموتوا من الجوع ومش عارفين نعملهم ايه
كل ده عشان سكتنا من الاول
ماهو المثل بيقول " سكتناله دخل بحماره "
ود اللى بيحصل معانا حاليا
وكل واحد بيقول وانا مالى
كبر دماغك مادام عايشين وبناكل ولو اى حاجه تبقى مستوره
بقى مبدأ لقمه هنيه تكفى ميه وممكن كمان تكفى ألف
ايه اللى جابرنا اننا منتكلمش
وياترى احنا الشباب هايبقى مستقبلنا عامل ازاى
منين هانتجوز ونجيب شقه وعفش ونخلف ونربى اولادنا وعلى رأى اللى قال نخليهم احسن منا
بال 300 جنيه
للاسف مش هايبقى فيه
لان الموظف كان خلاص اتوظف لكن احنا كشباب دلوقتى مبقاش فيه وظيفه
مبقاش فيه شغل
بقى فيه بطاله
95% من خريجين الجامعات بيتخرجوا ويقعدوا على الكافتريات والقهاوى
و 5% اللى اشتغلوا
منهم 3% جابوا امتياز فطبيعيى انهم يشتغلوا فى اى وظيفه حكوميه
وال 2% الباقيين سافروا دول الخليج بسبب ان مفيش مكان فى مصر للمصريين
احنا جيبنلكم مثال للناس المتوسطين اللى فى مصر
وطبعا ما خفى كان اعظم
مابالكم بقى بالناس اللى مش لاقيين ياكلوا اصلا ومش بيقبضوا ولا بيشتغلوا فى اى وظيفه
عمال شغاليين بأيديهم
زى العامل اللى بيشتغل باليوميه
يعنى ممكن يوم يلاقى اكله و عشره ميلاقيش
ياريت نبص لاقدام مش ورانا
هاتكلوا عيش منين؟
(فيه حاليا مظاهره بسبب الدعم يوم 6 ابريل ياريت كلنا نشارك)
من كل بلد كبيرة او صغيرة
من كل قرية
من كل حارة
من كل شارع
من كل بيت فى مصر
:wqqwq:
ياريت نحسسهم اننا كلنا ايد واحده
ياريت تضموا صوتكم لصوتنا
ياريت نكون ايد واحده
ياريت نكون مصرى واحد
نعمل حاجه صح ولو لمره واحده فى حياتنا
نقول لا للظلم
لا للاستعباد
لا للمحسوبيه
ياريت نقول مصر للشعب المصرى
مش للحكومه المصريه
ماهو يايسيبولنا الدعم يايشيلوه من على السلع ويعملولنا دعم على المخدرات
عشان ننسى
واهو بالمره اهوه حاجه تسلينا
وحاجه تفضلنا بدل ما كل حاجه هاتروح مننا
مسألتوش نفسكم
ايه سبب الادمان؟؟؟؟
ليه حياتنا ضاعت مننا؟؟؟
ليه احنا بقينا كده؟؟؟
عشان ننسى صح
ياريت نفوق
ربنا قال اسعى ياعبد وانا اسعى معاك
هل احنا سعينا بالمعنى الحرفى ؟؟؟
دعوه من شباب مصرى 100%
لمجتمع مصرى
لشباب مصرى
لرجال مصريين
لاطفال مصريين
لنساء مصريين
نعم
مصر للمصريين
مع تحيات
فريق الشباب المصرى
البريد الالكترونى : egyption_youth_team@yahoo.com
http://amrkhaled.net/
عدل سابقا من قبل ToTyFruTTy في 07.07.08 22:14 عدل 3 مرات