السلام عليكم ورحمه الله وبركاته
اول درس فى التريكو
طبعا كلنا عارفين التريكو
اول خطوه فى التريكو
التريكو ده بيكون شغل بالخيط عن طريق إبرتين
ومش دايما بيكونوا إبرتين بس
أحيانا العدد بيزيد ممكن يوصل لخمس إبر مثلا في حالة عمل جوانتي
وعدد الإبر بيكون حسب ايه هي الحاجة اللي بتعمليها بالتريكو
عندنا إبرالتريكو أحجام وأنواع
وده برضه بيتوقف على ايه اللي احنا بنعمله
وهل احنا عايزين غرزة صغيرة وللا كبيرة
طبعا عارفين ان فيه أنواع كتير جدا من خيط التريكو
معاكوا أول درس من دروس التريكوان شاء الله
هنبدأ ان شاء الله من أول حاجة خالص
وهي ازاي أصلا نبدأ مع الإبرة والخيط
بنجيب طرف الخيط كده
ونخليه بالشكل ده
وبعدين ندخل ايدينا منه كده
وناخد الخيط كده
ونشده لبرة الحلقة
بعد كده ندخل الخيط في الإبرة كده
ركزوا أوي بقى في الخطوة دي لأنها مهمة وعايزة تركيز للي يجربها أول مرة أوك؟
زي ما قلناالخيط هيكون في الإبرة كده
بنمسك الخيط بالطريقة دي وخدي بالك انك ماسكة الخيط بالظبط كده
شوفي السهم ماشي ازاي ودخلي الإبرة زيه بالظبط
هيبقى شكله كده وحركي الإبرة تاني زي السهم ده بالظبط
السهم اللي على اليمين الأول وبعدين اللي على الشمال تابعي تسلسل الأرقام بتاع الأسهم في الصورة
هيبقى شكله كده وبرضه تتابعي السهم ده
وبيكون ده شكله النهائي
وهكذا تفضلي تعملي الحركة دي لحد ماتكملي عمود في الإبرة حسب الطول اللي انتي عايزاه
وبيبقى شكلها كده
طبعا الصف ده بيكون في الإبرة الشمال عشان نبدأ الغرز بالإبرة اللي في ايدينا اليمين
وكده الجزء الأول انتهى ونبدأ بعد كده في الغرز اللي بنشتغل بيها
