اعذروني /بالعامية المصرية |
أو رسمت الدمعه غيمه فوق سمايا
أو نصبت الحزن خيمه ويا رايه
واعذروني
لو نسيت في الشعر بسمه أو عاندت الريح بنسمه
أو خفيت في السر رسمه
كنت زيي زي غيري بفتكرها كل غايه !!!!!!!!!
لما كنت زمان صغير ..والطريق بينا قصير
كل مسجد ..كان في حاره
صوت أدانو ..من حنانو ..كان بيحضن ..كل
أجراس الكنايس
لما جورج ..في يوم ميلادك يا محمد....يشترى لفاطمة العرايس ..
وأما كنا ف. يوم ميلادك يا يسوع ..نطفي ليوحنا الشموع ..فوق سطوح البيت لجدى
كل مسلم ويا قبطي
نبتسم والكل هايص ..
بس لأ ..مش هنبكي ....ننهزم ونقول زمان
نتقسم ..ونعيش فتن..نتوكس .. ونقول د.كان
احنا برده في طريقنا..يا طريق الحب واحد
قلبنا مش قلب أعمى ..قلبنا مش قلب جاحد
حبنا لله شعار
يبقى فوق أي دمار
والوطن .. مش أرض تركه نتوارثها ونحتكم
الوطن ده حته مني ..الوطن أغلى قرار !
((((بس فين يا مصر فين
كل طعنة بألف دين))))
واحنا ندفع من دمانا ..وانت غافلة بالعنين
وانت كسرانا لغيرنا
واحنا شعب الأكرمين
ليه يا مصر يغيبوكي
فوق تراب النيل ونصرخ
ده اخويا يشتكى بالصمت ويسرح
يزرعو الشك في قلبه
جوه عينه ينقرا حزن وملام
جوه عينه يستحي يقولها ف.كلام :
( هو ممكن يجي يوم يبقى دمى فوق بساط النيل كمسرح )
مسرحية شهرذاد
عرض اول ..عرض تاني ..عرض تالت ..ويجوبو فيها البلاد
وكل ليلة من ليالي الغرب باردة
وكل حته يا بلادى ..مسرحيه تبقى وارده..
يالا يا عيسى الحبيب ، ادي ضهرك للطوفان
واحنا نزرعللك شموع
لو جنيت من غدر جاحد..احنا نزرعلك ريحان
..نبقى لولادك دروع