ليت قلبك يالغلا يوم الهجر ودعني

ليته ما تسرع وفكر زين وسمعني

ليته وفا وما جفا ومن قلبه ما طلعني

ليته سمعني يوم ترجيته لا تبعني

ليته بقى داخلي ولطريقي يتبعني

ليته ما علمني كيف احب ومادلعني

واحلى الكلام العذب ما سمعني

كان ينصحني وعن الخطأ يمنعني

ويوم اكلمه بكل احساسه يسمعني

عمره ما جفا ولا قسى ولا خدعني

كنت أشلاء وبحنان قلبه جمعني

كنت ما اصدق الناس وبكذبته اقنعني

كان طيب وبشراسة اليوم يصفعني

كان يبشرني واليوم بالخبر افجعني

اليوم يبي يوطيني بعد ما كان يرفعني

يبيني اترجاه وتحت رجليه يركعني

يبيني استسلم ولقلبه القاسي يخضعني

ما عشت ولا كنت تهين عزتي يعني

تبعد يوم انا ابعد دوم وما بتمنعني

قسم لاخليك تصيح ودموعك تمتعني

انت الذي بخداعك وكذبك تدفعني

اعذبك واحرق قلبك اكثر وتشجعني

انتقم منك لكرامتي وما بتشبعني

آهاتك وصيحاتك وبتوسلاتك ما بتقنعني

وبعلمك كيف القسوة وكيف تطيعني

وما بسمعك يوم ترجع نادم وتقول اسمعني

انا غلطان وشاريك الحين فلا تبعني

انا ابي قربك ولداخل قلبك رجعني

ما عدت ابي قرب اللي بغبائه ضيعني

لا ولا تحلم بيوم انك لحبك ترجعني