1111111111111
اوك
تمام التدبيس ده
هنقول الميعاد بين مين ومين
وبعد تفكير طويل
اختارنا الاخ عمور والانسة ساسو
الميعاد الثانى
دلوقتى بقى احنا صحينا كلنا من النوم وبنفكر ياترى الحبيبين صحيوا ولا لسة
فى الحقيقة هما فعلا صحيوا وهنسمع الحوار اللى دار بينهم دلوقتى
بعد ماقام الاستاذ عمور وغسل وشه وفطر قال يرخم على ساسو
اتصل بيها
وبدا الحوار
عمرو : حياتى روح قلبى ساسو صباح الورد
ساسو : صباح الخير (بقرف) بس بصراحة هو يستاهل عشان صحاها من نومها
عمرو : مالك يا حبيبتى؟
ساسو : ماليش
عمرو : اومال مالك بتتكلمى بقرف كده ليه؟
ساسو : اصل يا روحى انا نمت متاخر امبارح وانت صحتنى بدرى اوى ده الساعة لسة 8
عمرو : اعمل ايه بس يا عمرى كنت هتجنن واسمع صوتك
اللئيم ضحك عليها بالكلمة
اتعدلت بقى ساسو وفاقت كده
وقالت
ساسو : بجد يا حبيبى للدرجاتى بتحب تسمع صوتى
عمرو : طبعا يا قلبى ده صوتك ده مليون كمانجة بيعزفوا (الحرامى سرق اغنية محمد منير)
ساسو : هههههههههههههه
عمرو : ياسلام ده النهاردة هيبقى نهاز زى الفل اكيد
ساسو : ربنا مايحرمنيش منك يا بطتى
عمرو : ولا منك يا وزتى
ساسو : هو احنا قاعدين فى العشة ولا ايه ياابنى (بخفة دمها)
عمرو : ههههههههههههه (بصوتة البشع)
ساسو : بطل هزار بقى وقولى
عمرو : اقول ايه؟
ساسو : جهزت نفسك عشان نتقابل النهاردة؟
عمرو : طبعا طبعا
ساسو : طيب ميعادنا زى ماهو وبعدها هتطلع معايا زى مااتفقنا
عمرو : اوك يا حياتى ده انا مستنى اليوم ده من زمان
ساسو : بص بقى انا هقفل دلوقتى عشان اقوم اجهز نفسى
عمرو : ماشى يا عمرى عايزة حاجة؟
ساسو : لا ميرسى
عمرو : خلى بالك من نفسك
ساسو : وانت كمان
عمرو : لا اله الا الله
ساسو :محمد رسول الله
عمرو :سلام
ساسو :سلام
وبعد اغلاق الهاتف تنط ساسو من على السرير وتدخل تاخد الشاور الصباحى بتاعها وتجرى على المطبخ كالعادة وتلاقى مامتها بتجهز الفطار زى كل يوم فتديها القبلة الصباحية المعتادة ويبدا الحوار
ساسو : صباح الخير يا ماما
ماما : صباح النور يابنتى
ساسو : بتعملى ايه ؟
ماما : يعنى هكون بعمل ايه؟ بجهز الفطار ليكوا
ساسو : طيب وانتى يا قمر عاملة ايه؟ نمتى كويس؟
ماما : نعم (باستغراب) ساسو حبيبتى بلاش لف ودوران وقولى الكلمتين اللى جاية تقوليهم
ساسو : ههههههههه دايما فهمانى يا ماما - اصل يا ماما الشاب اللى كلمتك عليه هيزورنا النهاردة ممكن؟
ماما : يشرف يا حبيبتى وكويس ان باباكى اجازم النهاردة
ساسو : يعنى اقوله يجى (قال يعنى لسة مااتفقتش معاه)
ماما : اه يا حبيبتى قوليله يجى
ساسو : ربنا يخليكى ليا يا ماما
وتجرى على اودتها وتلبس لان الساعة بقت 9 وميعادها مع عمرو 10
وبعد التجهيزات واللبس للاتنين رن تليفون ساسو
مين؟
طبعا عمرو وده معناها انه وصل تحت البيت فتكنسل عليه وده معناه انها نازلة وتخرج تقول لمامتها انها نازلة وتنزل بسرعة ويبدا حوار اخر بين عمرو وساسو
عمرو : اتاخرتى ليه يا حياتى
ساسو : اتاخرت ايه ياابنى؟ ده نزلت علطول اول ماسمعت الموبيل
عمرو : برضو يا روحى اتاخرتى اصلك ماتعرفيش وانتى بعيد عنى ببقى عامل ازاى؟
ساسو : هنقضيها حب فى الشارع كده؟
عمرو : لا يا حياتى اتفضلى
فتحلها باب العربية وركبت وهو راح ركب وفضلوا يلفوا شوية بالعربية ومش حسوا بالوقت
ياترى الساعة كام دلوقتى؟
الساعة 4 وميعاد الغدا فى البيت الساعة 5
ساسو : بسرعة ياعمرو على البيت
عمرو : مستعجلة ليه بس؟
ساسو : بسرعة يا عمرو انت المفروض ميعادك مع بابا دلوقتى هتتكلم معاه شوية وبعدين هنتغدى ويكمل كلامه معاك وماما قالتلى انك لازم تتغدى معانا واكيد يعنى مش هتدخل بيتنا اول مرة على الغدا علطول لازم تقعد مع بابا الاول
عمرو : طيب طيب صاروخ وهنكون قدام البيت
وبعد ماوصلوا وطلعوا البيت وقعدوا كلهم مع بعض يتكلموا وده بعد الغدا والقهوة المقدسة اللى بعد الاكل والشاى لعمرو
فضل بابا ساسو يبص لعمرو جامد اوى وكانه نفسه يقوله حاجة
ياترى ايه؟
ياترى ايه؟
تفتكروا انتوا ايه؟
.
.
.
.
.
.
.
.
.
.
.
.
.
.
.
.
انا تعبت من الكتابة
انتظرونا فى الجزء التانى من الميعاد
سلام
